اسلام آباد۔1ستمبر(اے پی پی) نائب وزیرِاعظم / وزیرِخارجہ سینیٹر محمد اسحاق ڈار بشکیک اچ شنگھائی تعاون تنظیم (ایس سی او) دے سربراہانِ مملکت دے اجلاس دے موقع تے اقوامِ متحدہ دے سیکرٹری جنرل انتونیو گوتریس نال ملاقات کیتی۔ وزارتِ خارجہ توں جاری بیان موجب نائب وزیرِاعظم / وزیرِخارجہ عالمی چیلنجز نال نبڑݨ اچ اقوامِ متحدہ دے کردار کوں اڳوں ودھاوݨ تے مؤثرکثیرالجہتی نظام دے ودھارے کیتے سیکرٹری جنرل دی قیادت …
نائب وزیرِاعظم محمد اسحاق ڈار دی بشکیک اچ اقوامِ متحدہ دے سیکرٹری جنرل انتونیو گوتریس نال ملاقات
مزید خبراں
اسلام آباد۔1ستمبر(اے پی پی) نائب وزیرِاعظم / وزیرِخارجہ سینیٹر محمد اسحاق ڈار بشکیک اچ شنگھائی تعاون تنظیم (ایس سی او) دے سربراہانِ مملکت دے اجلاس دے موقع تے اقوامِ متحدہ دے سیکرٹری جنرل انتونیو گوتریس نال ملاقات کیتی۔ وزارتِ خارجہ توں جاری بیان موجب نائب وزیرِاعظم / وزیرِخارجہ عالمی چیلنجز نال نبڑݨ اچ اقوامِ متحدہ دے کردار کوں اڳوں ودھاوݨ تے مؤثرکثیرالجہتی نظام دے ودھارے کیتے سیکرٹری جنرل دی قیادت دی تعریف کیتی۔ انہاں اقوامِ متحدہ کیتے پاکستان دے تکڑے عزم دا اعادہ کریندے پاکستان تے اقوامِ متحدہ وچال پراݨے تے نیڑے شراکت داری کوں اجاگر کیتا۔ ݙوہیں رہنماواں علاقائی صورتحال، اقوامِ متحدہ دی جنرل اسمبلی (یو این جی اے) دے آندے اجلاس دیاں تیاریاں تے اقوامِ متحدہ دی سلامتی کونسل دے امور تے ڳالھ مہاڑ کیتی۔ سیکرٹری جنرل کثیرالجہتی سفارتکاری اچ پاکستان دے تعمیری تے اصولی کردار دی تعریف کیتی تے علاقائی امن و سلامتی دے ودھارے کیتے پاکستان دیاں خدمات کوں وی خراجِ تحسین پیش کیتا۔ نائب وزیرِاعظم / وزیرِخارجہ اسحاق ڈار اقوامِ متحدہ دے سیکرٹری جنرل کوں پاکستان دے دورے دی دعوت ݙتی جینکوں انہاں قبول کیتا۔ دفترِخارجہ پاکستان اقوامِ متحدہ دے سیکرٹریٹ دے نال رابطہ کرتے دورے دیاں تاریخاں کوں حتمی شکل ݙیسی۔
