اسلام آباد۔ 08 ستمبر (اے پی پی) وزیرِ اعظم محمد شہباز شریف سعودی عرب اچ شہریاں تے توانائی دیاں تنصیبات کوں نشانہ بݨاوݨ آلے حوثیاں دے بزدلانہ حملے دی شدید ترین الفاظ اچ مذمت کیتی اے ڄیندے نتیجے اچ کئی افراد زخمی تھئے۔ منگل کوں سماجی رابطے دے پلیٹ فارم ایکس تے آپݨی پوسٹ اچ وزیرِ اعظم آکھیا جو پاکستان خادم الحرمین الشریفین تے سعودی عرب دے فرمانروا شاہ سلمان …
وزیرِ اعظم محمد شہباز شریف دی سعودی عرب اچ شہریاں تے توانائی دی تنصیبات کوں نشانہ بݨاوݨ آلے حوثیاں دے بزدلانہ حملے دی شدید الفاظ اچ مذمت
مزید خبراں
اسلام آباد۔ 08 ستمبر (اے پی پی) وزیرِ اعظم محمد شہباز شریف سعودی عرب اچ شہریاں تے توانائی دیاں تنصیبات کوں نشانہ بݨاوݨ آلے حوثیاں دے بزدلانہ حملے دی شدید ترین الفاظ اچ مذمت کیتی اے ڄیندے نتیجے اچ کئی افراد زخمی تھئے۔ منگل کوں سماجی رابطے دے پلیٹ فارم ایکس تے آپݨی پوسٹ اچ وزیرِ اعظم آکھیا جو پاکستان خادم الحرمین الشریفین تے سعودی عرب دے فرمانروا شاہ سلمان بن عبدالعزیز آل سعود، ولی عہد شہزادہ محمد بن سلمان تے برادر سعودی عوام دے نال غیر متزلزل یکجہتی دا اظہار کریندے۔ انہاں آکھیا جو ایں طرحاں دے بزدلانہ حملے نہ صرف بے گناہ انسانی جاناں کوں خطرے اچ سٹیندن ٻلکہ علاقائی امن تے سلامتی کیتے وی سنگین خطرہ ہن۔ وزیرِ اعظم آکھیا جو اساں سعودی عرب دی خودمختاری، سلامتی تے علاقائی سالمیت کیتے آپݨی مستقل حمایت دا اعادہ کریندوں اتے حملے اچ زخمی تھیوݨ آلے تمام افراد دی جلدی صحتیابی کیتے دعاگو ہیسے۔
